yadımdan çıx héy dilimin ucunda qal!

ya da gel bir birimizin daşında sınaq
calanaq bir birimize
yél olaq bir birimizde esek
bir birimizin torpağına qarışaq
sözümüz bir birinde menasını itirsin
eslen bir birimizin küçelerinde qaçaq
ya da gizlen panç oynıyaq bir birimizde
sen mende gizlen men sende…
 
ya da bir birimizin dağında nefes nefese düşek
denizinde bir birimizin nefessiz qalaq
sévişek terimiz qarışsın bir birine
bir birimizin nefesinde dincelek sonra!
ya da bir birimizde axaq bir çay kimi
suyumuz qarışsın bir birine
ya da eslen men sende eriyim qutarım!
 
bilirsen ki sen yanımda olanda menim yanım yox olur
menim yanımda olanda sen eslen men yoxam
men sende itende dilinde tap meni
tapılanda öp meni
tapmaca dé mene
sen menim möcüzem ol
yadımdan çıx héy dilimin ucunda qal