عجیب بنزییر ها

بوُ او کور دیلسییز کوچه لردیر آمما مغرور

سنی ناغیللاریمدا گتیرمیشدیم بورا       سنی شعرلریمده           گؤره سن        گؤردون

هئیهات منیم دلی آتالاریمدان کی اینسانا یازماغی  اؤرگه تدیلر و یانماغی

اونلار بیلمه دیلر کی تبریزلیلرـ بو بوغولموش تورکلرـ

تاریخی بیر اووچ  ئوزه رلیک کیمی اووچلارینداکی کؤزده داشییاجاقلار

 

بوُ او اوُجا سؤیودلردیر

بوداقلاریندا سئحر اوخوُیان یئل

بوُ دا قاشقاباقلی مئهربان گون باتیمی

 

باخ! بیر بئله عنتیقه اؤلوآراسیندا تکجه منه گؤر!

 

قبیرلرین قارا داشلاری آیاق ئوسته دوروبلار شهرین بو تاییندا

شهرین او تایینداکی قیزیل تپه لره باخیرلار

ائله بیل بیر شئیلر یادا سالماق ایسته ییرلر

آمما اونلار ابدی اوُنوُدقانلاردیر

 

قبریستانین توزوُ تورپاغی عجیب بنزییر هاااا!

 

مینجه سس سیزلیک قادینی نین آراسیندان کئچمیشم

مینجه تعججوب کیشیسی نین آراسیندان

هانسی کورپودن کئچسم سنه راستلاییرام

منه سوروُشوُرسان داخی هارا؟

 

بیلیرسن داغلار کیچیلیب

سانکی قاپقارا بیر شقاوتین خنجری کئچیب بوُ شهردن

ائله بیل کوچه لر او آلوولوُ پالتارلارینی چیخارتماییب هله اه گنیندن

منه سوروشما هارا!

 

اوُزاقلاردان گلن و سنین ائشیدیگین سس آواره بیر ماهنی دیر

بوُ کوچه دن کئچیب گئده جک و آغ اوُزلو قاراقاشلی بیر قیزین قولاقلارینا چاتاجاق

 

بوُ قیزین ئوزو عجیب بنزییر هاااا!

 

من اولنده سنه دئمیشدیم آغلاما

منی یادا سالاندا دئمیشدیم الینی قوی آلنیوا ائله باخ

بیزه ساری گلن قییامتی گورجکسن

قورخما!

بوُ گلن آتالاریمیزین آلوولوُ آتلاریدیر

منیم قلبیمی آل یانیوا       پئشوازا الی بوش گئتمه!

 

ساچلارینی دارایاندا گئجه داشلانار ئوزومه گؤزومه

بوینوُنوُن آغیندان اوپنده دوداقلاریمدا دان آتار

 

بوُ اطلسی رایحه سی عجیب بنزییر هاااا!

 

او کورپوُلرین آلتیندان چوخ قانلی سئل آخیب

 

Bir Cevap Yazın

Aşağıya bilgilerinizi girin veya oturum açmak için bir simgeye tıklayın:

WordPress.com Logosu

WordPress.com hesabınızı kullanarak yorum yapıyorsunuz. Çıkış  Yap / Değiştir )

Twitter resmi

Twitter hesabınızı kullanarak yorum yapıyorsunuz. Çıkış  Yap / Değiştir )

Facebook fotoğrafı

Facebook hesabınızı kullanarak yorum yapıyorsunuz. Çıkış  Yap / Değiştir )

Google+ fotoğrafı

Google+ hesabınızı kullanarak yorum yapıyorsunuz. Çıkış  Yap / Değiştir )

Connecting to %s